सौ.अक्षरा कदम दुस-यांदा तळा पंचायत समितीच्या सभापती
महाराष्ट्र २४ आवाज
तळा (श्रीकांत नांदगावकर) रायगड जिल्ह्यातील तळा तालुक्यातील तळा पंचायत समिती सभापती पदी दुस-यांदा अक्षरा सचिन कदम यांची निवड करण्यात आली आहे. विद्यमान सभापती देवकी लासे या गेली नऊ महिने पदावर होत्या परंतु त्यांनी अचानक राजिनामा दिल्या कारणाने हे पद रिक्त झाले होते. त्यामुळे ही निवडणूक घेण्यात आली या निवडणुकीसाठी चार सदस्य उपस्थित होते .परंतु सभापतीपद महिलेसाठी राखीव असल्याने एकमेव महिला असलेल्या अक्षरा कदम यांचे अर्ज प्राप्त झाले. त्यामुळे त्यांची दिनांक 28 ऑक्टोबर 2020 रोजी तळा पंचायत समितीच्या नानासाहेब धर्माधिकारी सभागृह येथे निवडणूक निर्णय अधिकारी अण्णपा कन्नशेट्टी यांनी अक्षरा कदम यांना सभापती म्हणून जाहीर केले व नवनिर्वाचित सभापती अक्षरा कदम यांना पुष्पगुच्छ देऊन शुभेच्छा दिल्या. यावेळी रायगड जिल्हा परिषदेच्या महिला व बालकल्याण सभापती गीता जाधव, माजी सभापती देवकी लासे, उपसभापती गणेश वाघमारे, रायगड जिल्हा परिषद सदस्य बबन चाचले, राष्ट्रवादी सामाजिक न्याय विभाग जिल्हा अध्यक्ष अॅड. उत्तम जाधव, तळा नगरपंचायतचे नगरसेवक चंद्रकांत रोडे, माजी सभापती नाना भौड, राष्टवादी काँग्रेसच्या तळा तालुका अध्यक्षा जानव्ही शिंदे, महाराष्ट्र युवक सचिव किशोर शिंदे, रायगड जिल्हा युवक सचिव अनंत खराडे, तळा तालुका युवक अध्यक्ष नागेश लोखंडे, प्रवीण आंबार्ले, निलेश कदम, कांतीलाल कसबळे , सचिन जाधव आणि सर्व तळा तालुक्यातील राष्ट्रवादी पदाधिकारी कार्यकर्ते सरपंच ग्रामसेवक पंचायत समिती कर्मचारी मोठ्या संख्येने उपस्थित होते.
